Matawhay ag naging maayos ro naging inisyal nga assessment it Philippine National Police (PNP) para sa naging kabilugan nga obserbasyon it Holy Week Exodus makaron nga dag-on.
Suno kay PNP Chief PGen. Jose Melencio Nartatez Jr., uwa it mga nailistang mga major incidents nga nakaapekto sa kabilugang obserbasyon it Lenten Season.
Suno kana, nagapabilin nga prayoridad it pulisya ro eowas nga pagbalik it mga biyaheros matapos ro masobra sang dominggong gintaeana kara para magpamaeandong.
Kasunod kara, ginpahayag ni Nartatez nga bilang pagpakita it andang pagtao it haega sa kaeowasan ag kaayusan hay magapabilin nga nakataeana sa nagkaeain-eain nga mga lugar ro haeos 98,000 nga miyembro it PNP.
Raya hay ginpakalhit sa nagkaeain-eain nga pook-pasyalan sa nasyon, mga transportation hubs ag maging sa mga nagapangunang kalye.
Matapos kara hay uman nga nagpadumdom ro hepe sa mga motorista nga magpabilin nga kalmado sa andang tagsa ka mga pagbiyahe ag likawan ro pag-eapnaag it road rage incidents.
