Gin-engganyo it Office of the Civil Defense (OCD) ro mga evacuees sa Negros Island nga magpabilin anay sa evacuation centers sa Christmas holidays bangud sa padayon nga abnormalidad it bulkang Kanlaon.
Sa sangka statement, nagpanawagan si OCD Administrator USec. Ariel Nepomuceno sa mga residente sa sueod it extended 6 km. radius permanent danger zone it bulkang Kanlaon nga magpabilin anay sa mga evacuation center ag indi anay magbalik sa andang mga baeay bangud ro pagsiguro sa andang kaeuwasan ro andang pangunang katuyuan.
Ku nagtaliwan nga gabei it Martes, nakumpleto ro pagbakwit it 6,000 residente halin sa 5 barangay sa sueod it 6 km. permanent danger zone sa palibot it bulkan,
Ginpamilit man it opisyal ro importansya it pagprayoridad sa kaeuwasan it mga residente samtang nagapabilin ro aktibidad it bulkan.
Nag-apela man si Nepomuceno sa kooperasyon it mga residente ag nagpaandam sa mahimo nga paeag ingkaso nga bumalik sa andang mga baeay sa tunga it padayon nga aktibidad it bulkan.
Suno kana, sa oras nga mahimo sumabog ro bulkang Kanlaon, uwa it ginahimo nga pagrescue sa mga una sa sueod it permanent danger zone ngani importante sigon nga makipagbuligan ro mga residente.
