Haum eon nga ibalik ro operasyon it port sa Brgy. Dumaguit, New Washington. Raya sigon hay gina-duso ni Governor Joen Miraflores.
Suno kay Nieven Maquirang, Executive Assistant V sa Office of the Provincial Governor-Aklan, syento porsyento eon nga haum ro rampa nga paga-dungkaan it barko pati eon man ro mga parkingan it saeakyan.
Sa makaron hay haum eon nga buksan ro nasambit nga port anumang oras.
Nag-alokar sigon ro Philippine Ports Authority (PPA) it pondo para kara daywang dag-on eon ro nagtaliwan.
Dugang pa nana, tuyo kara nga i-transfer eon ro ibang mga barko halin sa Western side paadto iya sa Dumaguit port bangud nga haeos puno eon sa Caticlan Jetty Port.
Tuyo man sigon kara nga mataw-an it trabaho, ag pangitan-an ro mga lokal nga pumueuyo it New Washington pati eon man ro mga pumueuyo it kaeapit nga mga banwa.
Positibo man sigon ro naging sabat it pilang shipping company angot kara.
