NATIONAL News — Gin-aprubahan eon it House of Representatives ro P6.352-trillion nga national budget para sa dag-on 2025 sa ikatlo ag katapusan nga pagbasa, Miyerkules nga adlaw, Septyembre 25.
Ginhimo ro pag-apruba sa budget sang adlaw matapos ginsertipikahan nga urgent ni President Ferdinand “Bongbong” Marcos Jr.
Naga-abot sa 285 nga mamalidha ro nagboto pabor sa House Bill No. 10800 ukon “An Act Appropriating Funds for the Operation of the Government of the Republic of the Philippines” samtang tatlo man ro nagkontra.
Ginpasaeamatan ni House Speaker Martin Romualdez ro kapareho nana nga mga mamalidha sa pagpasa it budget.
Ginbawasan ro pondo it Office of the Vice President ni Sara Duterte nga naga-abot eon lang sa P733 million halin sa P2 billion.
Raya hay haeos kapareho man sa pondo nga gintau kay dating Vice President Leni Robredo.
