-- ADVERTISEMENT --
KALIBO, AKLAN — Naga abot sa P25 million ro gin taeana it natungdan nga ahensiya it gobyerno sa pag-develop sa Hinugtan Beach sa Buruanga, Aklan, bilang sambilog pang tourist destination nga kapareho it isla it Boracay nga may una man nga puting baeas.
Suno kay Buruanga Mayor Concepcion Labindao, gina pahaum eon it Department of Public Works and Highways (DPWH) ro pondo para sa pagkay-ad it karsada maghalin sa andang banwa hasta sa Hinugtan Beach.
Ro banwa it Buruanga hay maeapit eamang sa Boracay kun siin haeos 40 minutos ro biyahe sakay it van paagto sa nasambitang lugar.
