KALIBO, Aklan—Ginpangunahan it Department of Environment and Natural Resources (DENR) ro pagbaton it electric vehicles nga donasyon halin sa sangka mabahoe nga kumpanya para sa Boracay Inter-Agency Task Force (BIATF).
Masadya nga ginbaton ni Environment Secretary Roy Cimatu ro 3 electric motorcycle vehicle; tig-sambilog nga solar rescue van ag solar banca sa turn-over ceremony nga ginpatigayon sa front beach nga gintambungan it Local Government Unit (LGU)-Malay ag iba pang stakeholders.
Ro nasambitang mga behikulo hay nagabalor it kapin sa P5 milyon nga pagagamiton sa mga rescue operations it task force sa isla.
Pinaagi sigon kara hay amat-amat nga maangkon ro ginahandom nga maging libre sa polusyon ro Boracay bangud ro nasambitang mga saeakyan hay environment- friendly bangud sa uwa raya ginagamitan it gasolina ukon diesel.
