KALIBO, Aklan—Ninahan nga gindaea sa Aklan Provincial Hospital ro sangka padre-de-pamilya matapos nga masagi it kahoy nga nakakarga sa sangka tricycle samtang ginamaneho ro anang motorsiklo.
Nag-angkon it lastro sa siki ro biktima nga nakilaea kay Ronel Dela Cruz, 29-anyos, residente it Brgy. Man-up, Altavas.
Base sa report, magapaadto kunta ro biktima bandang alas 6:00 kahapon sa Sapian nga sakop it probinsya it Capiz kung siin ro anang misis naga-uli.
Ginasugid nga nagbalik pa sigon ro biktima sa andang panimaeay matapos kara nga malipatan ro anang facemask.
Angot kara, matapos sigon nga mag-uli it biktima ag nagapabalik eon kunta para mag-adto sa anang asawa hay may kasunod imaw nga sangka tricycle nga may kargang kahoy. Kung sa siin aksidente imaw kara nga natuslok sa anang siki.
