KALIBO, Aklan—Bangud sa bag-ong mandatu nga gintau kana, mabahoe ro naging pagpasaeamat ni re-elected sangguniang bayan member Matt Aaron Guzman sa mga residente nga nagboto kana sa bag-o eamang natapos nga eleksyon.
Suno kana nga uman imaw nga nakaangkon it kahigayunan nga mapadayon ro mga trabaho nga owa pa nana natapos.
Sa pihak suno kana it mga problema ag kontrobersiya hay nakita kara ro padayun nga pagsalig kana it publiko.
Nagaeum imaw nga sa pagtahaw it kaso it covid 19, mas magiging maugan ro anang pagtrabaho sa ikaywang termino.
Target kara nga mabuligan ro publiko nga uman nga makabangon halin sa epekto it pandemya.
Gusto kara nga mapadayun ro naka-pending nana nga ordinansa angot scholarship program , pagpabaskog sa agrikultura para sa food security ag iba pa.
Plano man nana nga aywan ro dating komitiba nga ginabuytan sa transportasyon ag maga-focus eon lang sa agrikultura.
