KALIBO, Aklan—Nagapabilin nga suspendido ro visitation privileged sa Bureau of Jail Management and Penology ukon BJMP.
Suno kay SJO4 Jonathan Ibutnande it BJMP Aklan, uwa pa ginapasugtan ro pagbisita sa mga inmates it andang pamilya.
Raya nga tikang hay agud nga malikawan ro pagkalhit it Coronavirus Infectious Disease ukon Covid-19.
Ginpaathag dugang ni Ibutnande nga uwa pa it mando ro andang regional office kon sa siin nag-umpisa ro pagsuspendi sa pagbisita sa mga inmates kato pang March 18 sa kasagsagan it pagpanaeasa it Covid-19.
Maskin sanda sigon nga mga officers nga magaduty sa taeatapan sa ibang lugar hay kinahang-ean pa nandang pagpaidaeom sa 14 days quarantine period.
May kaangtanan kara, ginduea ni Ibutnande ro kabaeaka it tagsa nanda ka pamilya bangud nga uwa man sigon nanda ginapabay-an ro mga inmates.
Kinahang-ean suno kana ro kooperasyon it kada isaea ag ro pagbueoligan para matapna eon ro pagkalhit it makamaeatay nga sakit.
