Pagcor, ginaduso ro pagkriar it sangka independent regulating body para sa e-sabong

Ginaduso it chairman it Philippine Amusement and Gaming Corporation (Pagcor) ro pagkriar it sangka independent body para maregulate ro operasyon it e-sabong sa nasyon.

Aminado si Pagcor chair Atty. Andrea Domingo nga mabahoe ro kontribusyon it e-sabong nga kapin sa 8% hasta it 10% it kabilugang income it korporasyon apang ro mga kontrobersiya sigon nga ginaangot sa e-sabong hay nakaapekto man it 90% sa operasyon kara.

Suno kay Domingo, kinahang-ean it separadong lupon para magpokus sa e-sabong bangud ro operasyon kara hay una sa hybrid set-up.

May mga traditional operations nga kontrolado it LGUs apang ro kontrol eamang sigon  it Pagcor hay ro online e-sabong.