Ginapahauman eon it House prosecution panel ro posibleng pagdangop sa Korte Suprema it kampo ni Vice President Sara Duterte para isueong ro “mistrial” sa impeachment trial.
Suno kay private prosecutor Atty. Lorna Kapunan, pagagamiton nanda ro haeos sang buean nga recess para pahauman ro mga tikang it depensa bago ro pagbalik it impeachment trial sa November 9.
Nagapati si Kapunan nga posibleng ipamilit it depensa ro mistrial bilang remedyo matapos gin-atras it prosecution ro tatlong articles of impeachment, kun sa siin, nagtindog si counsel for defense Atty. Sheila Sison ag ginpabutyag ro posibilidad it “mistrial.”
Apang gin-insister ni Kapunan, posibleng taw-an raya it atensyon it Korte Suprema kun mapamatud-an nga may natabu nga grave abuse of discretion, nga suno sa prosecution hay owa nanda gin-obra.
