Gindayaw ni Pangueong Ferdinand Marcos Jr. ro mga tikang it Anti-Terrorism Council (ATC) nga nagresulta sigon it progreso sa tuyo nga maipaguwa ro Pilipinas halin sa Financial Action Task Force (FATF) Grey List.
Sa ginpatigayon nga 33rd ATC Regular Meeting ag Year-End Celebration sa Malakanyang, ginpahayag it presidente nga ro nasambit nga milestone hay magatao it benepisyo sa milyun-milyong Pilipino, kaibahan ro mas maayos nga remittance para sa mga overseas Filipino workers ag mas mataas nga kumpiyansa it mga investors.
Ginkilaea man it punong ehekutibo ro mga kadaeag-an it ATC sa pagsamad it mga terrorist organizations, pag-freeze it andang mga asset, ag pagpabaskog it seguridad it nasyon.
Suno kana, bukon eamang raya it pagpakita it determinasyon it nasyon sa pagpalig-on it rule of law ag pagsigurado it kaeowasan it mga komunidad kundi pagpakita man it malig-on nga commitment sa accountability, hustisya, ag kalinungan.
