Ginasuportahan it mga senador ro pagkataeana kay Dr. Edwin Mercado bilang sekretaryo it Department of Health (DOH).
Suno kay Senator Chiz Escudero, ro desisyon it Malakanyang nga magtaeana it bag-ong DOH Secretary hay nagtau it kinahangeanon nga pagklaru ag kapag-on sa ahensiya matapos nga maresolba ro leadership issue nga naging paeag sa pagka-delay it implementasyon it Universal Health Care (UHC) Act.
Naunang gin-engganyo ni Escudero ro palasyo nga magpasilabot eon para masiguro ro padayun nga pagpatuman it UHC program ag bangud nga may bag-o eon nga DOH Secretary mas mataw-an kara it atensyon ro pagpaeapad it PhilHealth coverage ag pagpamayad pa it access sa parehong public ag private health facilities.
Ginpahayag man ni Senator JV Ejercito nga paga-eauman ro UHC friendly team sa idaeum ni Mercado.
Positibo si Ejercito nga mabahoe ro mahimo ni Mercado sa ahensiya ag sa pagsueong it reporma tuga man it indi matawarang expertise kara bilang physician ag healthcare executive it taeatapan.
Welcome man sa mga senador ro pag-appoint kay Dr. Beverly Lorraine Ho bilang bag-ong President ag CEO it Philhealth ag suno kanda hay complement raya sa bag-ong leadership it DOH ag maangkon ro objectives it UHC Law para sa paghatud it de kalidad ag masarangan sa boesa nga health services sa mga Pilipino.
