-- ADVERTISEMENT --
KALIBO, Aklan— Nag-umpisa eon man nga magpahaom ro mga lokal nga opisyal sa Boracay kadungan it ginaeaumang pagbuhos it mga turista makaron nga nagahilapit ro Paskwa ag Bag-ong dag-on.
Sa interview it Bombo Radyo, ginpahayag ni Boyet Sacladan, vice chairman it Compliant Association of Boracay nga nagpaabot eon it notice ro grupo it mga negosyante para hinyuon sa Department of Environment and Natural Resources (DENR) nga temporaryong gamiton ro “25-plus-five” meter easement sa front beach.
Katuyuan kara nga panamion ro selebrasyon ag pagsug-aeaw sa isla sa New Year’s Eve.
Samtang, ginpasiguro man it grupo nga ipabilin nanda ro kalimpyuhan ag kalinunagn engkasong pasugtan it Department of Environment and Natural Resources (DENR) ro plano.
