KALIBO, Aklan — Libu-libong katawo ro nagsaksi sa dag-unang lighting ceremony it higanteng Christmas tree sa Kalibo Pastrana Park.
Ginpangunahan it pilang mga opisyal it probinsya ag pribadong sektor ro switch on sa Christmas tree nga may kataason nga 60ft kaibahan ro iba pang mga iwag sa palibot it public plaza nga may temang “Iwag it Kalibonhon para sa Mahayag nga Paea-abuton “.
Ro lighting ceremony hay senyales it pag-umpisa it masadyang selebrasyon it Paskwa.
Mas kapin pang napa-wow ro publiko sa ginpahaom nga fireworks display bilang grand finale ag ro performance it pilang mga Aklanon talents nga nagta-o it kasadyahan sa mga nagpaeamantaw kapin eon ro nagkaeain-eain nga choral groups nga nagkanta it mga tradisyunal nga Christmas songs.
Ro mga kakahuyan sa palibot it plaza hay ginbutangan it mga makolor nga iwag, dekorasyon ag mga lanterns.
