KALIBO, Aklan–Dapat nga makontrol ro pagsaka sa presyo it feeds agud nga magnaba man ro farm gate price it itlog ag manok.
Raya ro panugyan it negosyante nga si Eva matapos nga nataeopangdan ro pagtaas sa presyo it andang mga supplier rason nga ginapatungan man nanda raya it pilang piso paadto sa andang mga bumaeakae.
Kon makontrol suno kana ro pagtaas ko presyo it feeds hay may posibilidad man nga makontrol ro pagtinaas it presyo it itlog.
Nauna eon nga ginpasiguro it Department of Agriculture (DA) nga tayuyon ro andang ginahimo nga pag-monitor sa pagtaas it presyo it itlog sa merkado.
Nakikipag-angot eon ro ahensya sa mga poultry farm sa bilog nga nasyon para masayuran ro ceiling price kara halin kanda paadto sa trader ag sa merkado.
Ginatun-an eon sigon it ahensya kon paano raya matapna agud nga direkta eon halin sa poultry farms paadto sa mga baealigyaan para mabuhinan ro patong sa presyo kara.
