KALIBO, Aklan — Plano makaron nga imbestigahan it Sangguniang Panlalawigan ro pagtaas sa presyo it bugas sa Aklan.
Raya hay kasunod it reklamo it mga pumueoyo matapos nga ro pinakamanabang presyo it bigas hay nagahampak sa P49 hasta it P50 ro kada kilo.
Suno kay Board Member Emmanuel Soviet Russia dela Cruz, Chairman it Committee on Agriculture nga gusto nandang masayuran ro posibleng kabangdanan it taas-presyo makaron nga mas mabahoe dati ro napo-produce nga bugas it Aklan kaysa ginakonsumo.
Kaibahan sa igapatawag sa imbestigasyon ro mga miyembro it National Food Authority (NFA), National Irrigation Authority (NIA) ag Department of Agriculture
Ginpaburan it kaeabanan sa mga miyembro it SP ro nasambitang proposisyon, apang uwa pa it petsa kon san-o igapatigayon ro imbestigasyon.
