KALIBO, Aklan — Masadya nga ginbalita ni Aklan 1st District Congressman Carlito Marquez nga naging layi eon ro anang ginproponer nga pagtukod it Fisheries and Aquatic Resources Training, Development and Product Center sa probinsiya it Aklan.
Ro provincial center suno kana hay pagadumaeahan it Bureau of Fisheries and Aquatic Resources it Department of Agriculture.
Pagagamiton kara ro mga pasilidad ag expertise it state universities and colleges sa Aklan sa pagdumaea ag operasyon it nasambit nga center.
Suno kay Marquez nga gindesinyo ro provincial center agud nga magtau it online ag onsite access sa mga iga-apply nga teknolohiya para sa mga bag-o ag sustainable nga fish breeding ag hatchery it high-value marine species, technical assistance ag training activities para sa tayuyon nga production support ag education ag post-harvest development services sa mga mangingisda ag iba pa.
Tuyo it layi nga magatau it technical assistance sa operasyon, maintenance ag pagpabaskog it government-operated marine sanctuaries, seaweed nurseries, seaweed processing plants ag marine culture development park facilities.
