KALIBO, Aklan — Nagakabagay nga pamaeabagan ro pagtukod it tulay nga maga angot sa Isla it Boracay ag Caticlan sa mainland Malay.
Suno kay Atty. Harry Sucgang, dating provincial board member sa unang distrito it Aklan nga kinahangean nga maghimo kara it panindugan ro mga opisyal it probinsiya .
Nagapati imaw nga maduea ro kinang it Boracay sa oras nga maduso ro nasambit nga proyekto nga planong ipatindog it San Miguel Corporation.
Bukon eamang suno kana ro palibot ag kaanyag it isla ro masamad kundi nga maduea-an it pangabuhian ro mga bangkero ag iba pang obrero.
Sambilog sigon sa mga nagapangunang atrasyon it Boracay hay ro pagbiyahe patabok sa isla sakay it mga baroto.
Mabahoe man sigon ro posibilidad nga engkaso nga makaangkon it tulay hay maga-soeputan ro casino sa nasambit nga banwa .
Puro mga mabahoe nga negosyante kapareho ni Ramon Ang it SMC ag Andrew Tan it mga casino ro maka-benepisyo sa nasambit nga proyekto.
