Magabyahe paadto it United Arab Emirates (UAE) si Pangueong Ferdinand Marcos Jr. para sa sang adlaw nga working visit.
Sa pahayag it Presidential Communications Office (PCO), makikipagpueong si Pangueong Marcos kay UAE President, His Highness Sheikh Mohamed bin Zayed Al Nahyan sa Abu Dhabi, Martes it hapon, Nobyembre 26.
Nagpasaeamat si Marcos sa gobyerno it UAE sa pagtao it kahigayunan nga maipakita ro talento it mga Filipino sa andang lugar.
Maskin mapig-od eamang nga tyempo ro pagbisita ni Pangueong Marcos sa UAE, ginpahayag it PCO nga makakriar eon raya it masustansya ag mabaskog nga kaangtanan it daywang nasyon.
Nag-apela man it pag-intindi si Pangueong Marcos sa mga Filipino nga idto sa UAE nga inde makaibahan ro mga raya bangud sa kinahang-ean eagi nana nga bumalik it Pilipinas para tutukan ag asikasuhon ro mga komunidad nga gindaeasa it an-om nga magkasunod nga bagyo.
