KALIBO, Aklan — Uwa nalipatan ni Pangueong Ferdinand Marcos Jr. nga pasaeamatan ro mga Aklanon nga nagdaea kana sa kadaeag-an ko nagtaliwan nga national election.
Raya hay kasunod it anang pagpanguna sa distribusyon it ayudang bugas nga ro mga benepisyaryo hay ro mga Aklanon 4P’s members.
Suno kana, saligan sigon it mga pumueoyo nga bukon eamang it raya ro daehon nga bulig sa probinsya it Aklan kundi maabong iba pa.
Raya hay kasunod sa anang promisa nga pagatinguhaon nga panabaon ro presyo it bugas ag iba pang produktong agrikultura agud nga masiguro nga may mahatnon sa lamesa ro kada pamilya.
Tuyo sigon it anang administrasyon nga makaangkon it bastanteng supply it bugas ag may mabakae nga barato kara sa mga merkado agud nga masiguro nga uwa it magutom nga mga indibidwal.
