Nagpaandam ro Russia it panibag-ong maeapnagong pag-atake kontra sa Kyiv matapos ro sambilog sa pinakamabahoe nga opensiba halin kat mag-umpisa ro gyera sa Ukraine.
Target sigon it mga masunod nga pag-atake ro mga command centers ag drone facilities sa Kyiv, samtang ginengganyo it Moscow ro mga dumueuong ag diplomat nga magbakwit sa syudad.
Tinawag man it Ukraine nga pagpanghadlok ag blackmail ro tikang it Russia ag nagpanawagan it dugang nga suporta halin sa mga kaalyado kara.
Sa pinaka-ulihing opensiba, ginreport ni Ukrainian Pres. Volodymyr Zelensky nga ap-at katawo ro namatay ag haeos 100 ro ninahan matapos tamaan it missiles ag drones ro Kyiv ag iba pang lugar.
Ginpamilit man it Russia nga sabat ro opensiba sa pag-atake sigon it Ukraine sa Starobilsk, samtang padayon man nga naga-salig ro Ukraine sa bulig it mga kaalyado kara para sa air defense systems.
