Gindayaw ni Pangueong Ferdinand “Bongbong” Marcos ro gymnast nga si Carlos Yulo sa pagdaog it unang Olympic gold medal it Pilipinas sa 2024 Paris Olympics. Nagdaog si Yulo it ginto para sa floor exercise sa Olympic gymnastics, raya ro ikaywang kahigayunan nga naka angkon it Olympic gold medalist pagkatapos it weightlifter nga si Hidilyn Diaz pabalik sa Tokyo tatlong dag-on eon ro nakataliwan.
Sa sangka Facebook post, ginhambae ni Marcos nga ginapabugae it nasyon ro pagdaog ni Yulo. Ginhambae man it Pangueong Marcos nga nagsalig imaw sa tsansa it nasyon sa medalya sa Summer Games. Si Yulo hay magaangkon it tyansa para sa sambilog pang medalya sa anang paghampang sa vault finals sa dominggo.
Ro mga boksingero nga sanday Aira Villegas ag Nesthy Petecio hay nagapadayon sa gihapon para sa sangka posibleng medalya, samtang ro pole vaulter nga si EJ Obiena hay kwalipikado para sa men’s pole vault finals.
Ro mga hurdler nga sanday John Cabang Tolentino ag Lauren Hoffman, mga golfers nga sanday Dottie Ardina ag Bianca Pagdanganan, ag mga weightlifter nga sanday John Ceniza, Vanessa Sarno, ag Elreen Ando nga uwa pa naga umpisa sa andang mga kampanya sa Summer Games.
