Ginpirmahan eon ni Pangueong Ferdinand Marcos Jr., ro Executive Order No. 120 nga nagapaeawig sa pitong dag-on nga ayuda para sa mga benepisyaryo it Pantawid Pamilyang Pilipino Program (4Ps).
Sa EO 120 nga may petsang Hulyo 13, ginapasugtan ro mga kuwalipikadong benepisyaryo it 4Ps nga magpadayun sa pagbaton it ayuda halin sa gobyerno maskin nga eampas eon sa maximum seven year-period.
Buot hambaeon nga ro mga benepisyaryo nga magawakas eon ro pagbaton it ayuda pagkatapos it pitong dag-on sa idaeum it 4Ps hay padayun gihapon nga makabaton it mga benepisyo apang kinahangean nga magpabilin sanda sa klasipikasyon it Department of Social Welfare and Development (DSWD) bilang Level 1 (survival) ukon Level 2 (subsistence) sa idaeum it Social Welfare and Development Indicator.
Ginbutang nga rason it pagpaeawig it ayuda hay ro National Advisory Council (NAC) Resolution No. 1 nga gin-isyu makaron nga 2026 kun sa siin ginrekomenda ro pagpaeawig it nasambit nga programa para sa mga kuwalipikadong benepisyaryo bangud sa “long-term effects it COVID-19 pandemic.
