Magabiyahe si Pangueong Ferdinand Marcos Jr. sa Canada umpisa sa Hulyo 1 hasta 4 kasunod it imbitasyon ni Canadian Prime Minister Mark Carney.
Nagapangunang katuyuan it official visit nga paeaparon ro kalakalan, investment, ag kooperasyon it Pilipinas ag Canada sa depensa, seguridad, enerhiya, artificial intelligence (AI), ag iba pang importanteng industriya.
Makikipagpueong ro Pangueo kay Carney agud nga talakayon ro pagpadaeum sa relasyon it daywang nasyon ag ro mga isyung pangrehiyon, kaibahan ro Indo-Pacific ag ro ASEAN Chairmanship it Pilipinas.
Makikipagkita man si Marcos sa mga negosyante agud nga maka-engganyo it investors ag negosyo sa nasyon.
Kaibahan it pangueo si First Lady Liza Araneta-Marcos sa pakikipagpueong sa Filipino community sa Vancouver bilang pagkilaea sa kontribusyton it mga Pilipino sa mabakod nga relasyon it Pilipinas ag Canada.
Raya ro unang official visit it sangka pangueo it Pilipinas sa Canada sa sueod it masobra sa sang dekada.
Ulihing nagbisita sa Canada si dating Pangueong Benigno Aquino III ko 2015.
