Ginpamalibaran ni Department of Interior and Local Government (DILG) Sec. Benhur Abalos ro mga nagguwa nga balitang si deputy chief for administration Lt. Gen. Rhodel Sermonia ro gin-anunsyo ni Pangueong Ferdinand “Bongbong” Marcos Jr. nga masunod nga PNP chief.
Suno kay Abalos, owa pa sigon it napilian si Marcos ag nagapadayun pa gihapon ro selection process para sa unang PNP chief nga magapungko sa idaeom it Marcos administration.
Kung paga-istoryahan ro rule of succession, ro ibang contender mag-euwas kay Sermonia hay ro No. 2 sa PNP command nga si Lt. Gen. Vicente Danao Jr. nga deputy chief for operations.
Naging officer-in-charge si Danao sa 225,000 nga pulis kat nagretiro si Gen. Dionardo Carlos ko Mayo 6.
Kung napili si Sermonia nga miyembro it Philippine Military Academy (PMA) Class of 1989 hay magatapos ro anang termino sa 2024 kung maabot eon ro mandatory retirement age nga 56.
Samtang, si Danao nga halin sa class of 1991 hay may sang dag-on pa sa serbisyo kung imaw ro mapili bangud maga-retiro raya sa August 2023.
