Ginklaru it Philippine Coast Guard ukon PCG-Aklan nga ro gin-issue nanda nga sea travel advisory ku adlaw nga Disyembre 18 it hapon hay sangka reminder ag uwa anuman nga pagbag-o sa mga byahe ukon operations.
Raya ro ginpahayag ni Coast Guard LT Val Ernie Daito sa pakikipag-angot it Bombo Radyo Kalibo.
Suno kana nga ro mga delegado it bag-o eamang natapos nga 18th National Scout Jamboree sa may Passi City hay nakabyahe ag owa it sin-o man nga nastranded sa Aklan.
Pagsaysay nana nga uwa man it strom signal sa Aklan rason nga puro reminders eamang ro andang ginapaabot sa mga mangigisda ag sa mga maisot nga sakayang pangdagat, ag nagapabilin nga normal ro andang operasyon.
Sa pihak nga parte, bukon man it apektado ro mga water sports ukon water activities sa Boracay.
Available man sigon ro mga help desk ag K9 para masiguro ro kaeuwasan it mga pasahero, ag may mga igadeploy man nga mga coast guards nga magabantay 24/7.
Dugang pa ni Coast Guard LT Daito nga may augmentation nga maabot halin sa regional office para sa nagahilapit nga paskwa.
Suno kana nga mahimo sanda nga maistorya sa andang opisina ukon magpadaea it mensahe sa andang facebook page.
