KALIBO, Aklan–Nagapabilin sa gihapon sa 3,100 liters it oily water ro nakolekta it Philippine Coast Guard (PCG)-Western Visayas halin kat makaabot ro oil spill sa kaeawran nga sakop it Caluya, Antique.
Suno kay CG CDR Jansen Benjamin, tagapaghambae it PCG-Western Visayas nga nagapadayun ro andang monitoring ag paglimpyo sa lugar kaibahan ro mga residente ag nagkaeain-eain nga ahensya it gobyerno.
Haeos 70 porsyento eon sigon it kaeawran ro andang nalimpyuhan kamana man nga owa eon nadugangan pa ro tatlong area nga naapektuhan it nagtagas nga langis partikular ro Sitio Liwagao, Brgy. Sibulo; Sitio Sabang, Brgy. Tinugbok ag Brgy. Semirara, Caluya, Antique.
Base sigon sa andang latest monitoring, nagapabilin nga euwas sa paeag it oil spill ro kaeawran it isla it Boracay ag Panay island.
