KALIBO, Aklan–Grabeng kalipay ro padayun nga nabatyagan it Aklanon athlete nga nakabuoe it unang bueawan nga medalya para sa Pilipinas sa nagapadayun nga 31st South East Asian Games sa Hanoi, Vietnam.
Ginpahayag ni Mary Francine Padios, 18 anyos, residente it Barangay Old Buswang, Kalibo nga “overwhelming” ro kasadya nga anang nabatyagan matapos nga makakuhit it gold medal sa Pencak Silat.
Naging inspirasyon sigon nana ro anang ama nga nagapabilin nga comatose matapos nga maeakot sa car accident.
Nagbunga sigon ro tanan nga anang sakripisyo ag kagaoy sa pag-ensayo matapos nga mai-uli ro kadaeag-an para sa nasyon.
Nauna eon nga nagpaabot it pagtamyaw kay Padios ro lokal nga gobyerno it Aklan ag palasyo it Malakanyang.
Madumduman nga si Padios ro ginbaylo kay 2018 Asian Games bronze medal winner Cherry May Regalado kat makaangkon raya it knee injury antes ro 2019 SEA Games.
Naging coach ni Padios sa natungdan nga kompetisyon si Freddie Jizmundo Jr.
