Petecio, magauli gihapon it bronze medal sa pihak it kapas-eawan sa Polish boxer

Magauli gihapon it bronze medal ro aton nga pambato sa Paris Olympics 2024 women’s 57kg boxing nga si Nesthy Petecio matapos nga mapas-eawan nga makasueod sa finals kasunod it anang pagkapyerde kontra sa pambato it Poland nga si Julia Szeremeta sa andang semifinals match via split decision.

Raya eon ro ikaywang bronze medal ag ika ap-at nga overall medal it Pilipinas sa Paris Olympics 2024.

Sa unang round hay ginbuytan pa ni Petecio ro majority it scoring apang sa second hay bumawi ro Polish boxer.

Ginpilit pa ni Petecio nga paueanan it tueop si Szeremeta apang naging mailap ag naging hugot pa ro depensa.

Sa ulihi hay gintao it mga judges ro split decision nga pagdaog kay Szeremeta.