Ginpaeapad it Philippine Health Insurance Corp. (PhilHealth) ro ap-at nga package benefits sa mga miyembro nga may ischemic heart disease-acute myocardial infarction.
Suno kay Dr. Israel Francis Pargas, spokesperson ag senior vice president it PhilHealth, ro dating benepisyo nga P30,000 para sa mga nagakinahangean it angioplasty hay ginsaka eun sa magsobra P500,000.
Mag-euwas pa raya sa cardiac rehabilitation nga ginabot sa P60,000 ag fibrinolysis nga sobra sa P100,000.
Kaibahan sa mga dugang nga benepisyo ro baeayran sa paggamit it ambulance transfer para sa mga nagakinahangean it paghalin sa ospital nga uwa it bastante nga kapasidad para buengon ro pasyente.
Ginkakas man ro dating polisiya it “single period of confinement” kun siin limitado eamang ro benepisyo kun uman nga ma-confine ro pasyente sa parehong rason.
Samtang, ginsiguro man it PhilHealth nga nag-angkon eun it reconciliation sa mga government ag private hospitals agud masiguro nga madasig nga nareresolba ro mga pagkakautang ag padayon nga serbisyo para sa mga miyembro.
