KALIBO, Aklan—Ginpaathag ni Provincial Health Officer 1 Dr. Cornelio Cuatchon Jr. it PHO Aklan ro importansya kon ham-an it ginaselebrar kada Hunyo 26 it dag-on ro International Day Against Drug Abuse and Illicit Trafficking ukon mas kilaea sa tawag nga ‘World Drug Day’.
Suno kana, ro tema makaron nga dag-on hay “Better Knowledge for Better Care” kon sa siin ginselebrar man raya it Department of Health ukon DOH.
Sa webinar nga ginpatigayon nga ginpasakupan it mga health authorities, ginlunsar ro substance hotline nga 1550.
Raya hay sandig sa pag-engganyo it United Nations office on drugs and crime sa mga tawo, organisasyon, pribadong sektor ag iba pa nga makipagbahin sa social media campaign.
Suno sa datos it dag-on 2018, ginpahayag ni Dr. Cuatchon nga 269 milyon katawo ro nagagamit it droga sa bilog nga kalibutan.
Sa nasambit nga numero, 35 milyon katawo ro naga suffer it drug use disorder nga ginaklasipika sa mild substance abuse, moderate ag severe.
Ginpaathag dugang nga paghinambae sigon nga drug use disorder hay raya ro ginatawag nga mga illegal drugs nga ginagamit kaparehas it marijuana, shabu ag iba pa.
Dapat suno kana maintindihan it tanan nga inde mapredict ro epekto it droga sa sangka tawo partikular sa mga bag-uhan pa eamang.
Nasayuran nga ro tawo nga lango sa illegal nga droga hay posible nga makakumiter it krimen kon sa siin nagadaea it mabahoe nga problema sa andang pamilya ag sa komunidad.
