Uman nga nagpahanumdom ro Provincial Health Office (PHO- Aklan ) sa mga pomoeuyo nga mag-adto it mas timprano sa mga health centers kung naangkit it sapat nga posibleng may rabies.
Suno kay Charice Cuachon, Nurse it PHO-Aklan, mas pang nagtaas ro kaso it mga naangkit it sapat makarun sa nasyon kung sa siin maabo sa mga raya ro owa nagapa-inject it nagakaigo nga bueong para sa nasambitan nga virus.
May kaangtanan kara, ana sigon nga gina-rekomenda sa mga pet owners nga pabakunahan ro andang mga alagang hayop ag indi pagpabay-an nga magpinanaw para malikawan ro disgrasya.
Ginpahayag dugang nga pweding ikamatay it sangka pasyente ro rabies kung nagsaka eun sa anang utok.
Dugang pa kara, dapat sigon nga magpabakuna sa sueod it 24 oras ro sin-o man nga naangkit ukon ginkaeos it ayam ag iba pang sapat nga posibleng may rabies.
Nasayuran nga ro nasambit nga bakuna hay libre eamang sa pilang ka mga government hospital ag animal bite centers.
