KALIBO, Aklan—Masako eon ro pilang mga sementeryo sa banwa it Kalibo para sa pista minatay.
Pilang mga pumueuyu ro temprano nga nag-agto sa pantyon it andang mga mahae sa kabuhi nga nagtaliwan eon .
Sa mga sementeryo sa banwa it Kalibo, makit-an ro pilang eubnganan nga may mga bueak eon ag may mga naka sindi nga kandila, senyales nga may mga temprano eon nga nagbisita sa andang mga nagtaliwan nga pinalangga sa kabuhi.
May mga naka set-up nga nga tent ag ro iba hay masako nga nagapanglimpyo ag nagapintura.
Suno kay Manuel Zonio nga nagdesisyon imaw nga magtemprano sa pagsindi it kandila sa anang nagtaliwan nga gumankon nga gin-eubong sa Roman Catholic cemetery agud nga malikawan ro pagdagsa it tawo hin-aga
Dugang pa nga maeayo ro anang gina-uli-an sa Brgy. Ganzon, Jamindan, Capiz.
Sa pihak nga parte, ginpahayag man ni Ronnie Gobres nga ginatiempuhan nanda nga manami pa ro tiempo ag bukon it mauean rason nga temprano nga nag-agto sa pantyon it anang ama nga nagtaliwan eon sa roman catholic cemetery agud nga magpanglimpyo ag nagsindi it kandila.
Ginataw-an sigon nanda it importansiya ro pista minatay bangud nga nagiging kahigayunan raya para sa uman nga pagkililita it pamilya kamana man ro kaean-an ag kasadyahan samtang ginadumdum ro mga mahae sa kabuhi nga nagtaliwan .
