-- ADVERTISEMENT --
KALIBO, Aklan–Naga-apela makaron ro pilang tricycle driver sa lokal nga gobyerno nga mataw-an sanda it subsidiya sa tunga it nagatinaas nga presyo it produktong petrolyo.
Suno kay Joselito Ostan, tricycle driver sa Brgy. Poblacion, Kalibo nga masyado eon nga mabug-at para kanda ro padayun nga pagtaas it presyo it gasolina.
Halin sigon sa dating P200 hay naging P300 eon ro anang nagagastos sa gasolina sa sueod it sang adlaw nga pagbiyahe.
Gin-insister pa kara nga ro sangkiri nanda nga ginakita hay kaeabanan nga naadto eon lang sa gasolina.
Indi man sigon sanda pwedeng magpasaka it sukot sa pamasahe bangud kinahang-ean nga mag-agi raya sa tamang proseso.
-- ADVERTISEMENT --
