BUSINESS News– Nagahueag eon makaron ro gobyerno para makabaligya pa it mas maabu nga agricultural products sa China.
Ginpahayag ni Philippine Ambassador to China Jaime FlorCruz nga ginatrabaho eon nanda makaron ro simuyaw exports sa China.
Kaeabanan nga nagatubo ro simuyaw maskin siin bangud sa ikasarang kara nga mabuhi sa nagkaeain-eain nga weather conditions.
Mag-eowas kara, ginmitlang man ni FlorCruz nga andang ginatestingan man nga magpadaea it coconut products sa China.
Base sa datos halin sa Philippine Statistics Authority, kapin sa 12.78 thousand metric tons ro calamansi production sa nasyon umpisa Enero hasta Marso it makaron nga dag-on.
Ro CALABARZON ro may pinakamataas nga produksiyon nga may 2.40 thousand metric tons.
Raya hay katumbas it 18.8% it kabilugan nga produksiyon it simuyaw sa nasambit nga quarter.
Sumunod ro Central Luzon nga may 14.7%, ag Davao Region nga may 13.2% production share.
Nauna eon nga nag-export it durian ro Pilipinas sa China ag pagapaeawigon pa raya sa nagkaeain-eain nga produkto.
