Ro mga salampati hay may una eamang nga average life expectancy nga 20 anyos.
Apang sa Chesterfield, Missouri, ginkilaea it Guinness World Records ro puti nga si Sugar bilang pinakamagueang nga nagakabuhi nga salampati, kun sa siin, imaw hay naga-edad it 44 anyos ag 72 diyas.
Natawo ro salampati ko 1981 ag gin-alagaan it anang amo nga si Dewayne Orender. Pirme sanda nga nagatan-aw it andang paborito nga TV program ag nagapamati it music.
Masyado sanda nga close sa kada isaea, nga kat sang beses na gin-admit si Dewayne sa ospital, grabe ro kakoeba ni Sugar. Nagpabilin imaw sa saeog it anang hawla ag haeos owa nagakaon. Nagbalik eang imaw sa anang normal nga gina-obra kat nakaguwa eon sa ospital ro anang amo.
Na-break ni Sugar ro record nga gin-set it dating holder it titulo nga may masobra 15 anyos eamang.
Apang sa owa it swerte, si Sugar hay napatay ko kan-o eamang.
