Gin-anunsyo it sangka restaurant sa New York ro uman nga pagbalik it $200 dollars ukon masobra sa 11,000 pesos nga balor it kada pinggan nga French fries nga nauna eon nga gin-certify it Guinness World Records bilang pinakamahae sa bilog nga kalibutan.
Apang raya hay para eamang sa pagdumdum it restaurant sa National French Fry Day.
Madumduman nga nauna eon nga nabo-oe it Serendipity3 nga nahamtang sa Upper East Side it Manhattan ro Guinness World Record para sa “world’s most expensive French fries” kat ro andang mga chef hay nag-eaha it Creme de la Creme Pommes Frites, kun sa siin ro sangka pinggan hay nagabalor it $200 dollars.
Ginpahayag it restaurant nga ro record-breaking fries hay uman nga igabalik sa menu para sa National French Fry Day sa maabot nga Hulyo 13.
Naging mahae ro fries bangud sa sangka kara nga ginaeakipan it Chipperbeck potatoes, Dom Perignon Champagne, J. LeBlanc French Champagne Ardenne Vinegar, cage-free goose fat from France, Guerande Truffle Salt, truffle oil, Crete Senesi Pecorino Tartufello cheese, shaved black summer truffles halin sa Italy, truffle butter, organic A2 100% grass fed cream halin sa mga baka it Jersey, Gruyere Truffled Swiss Raclette ag topping nga 23-karat edible gold dust.