Magadihon it reklamo ro Philippine National Police – Criminal Investigation and Detection Group (PNP-CIDG) kontra kay Senador Robin Padilla ag iba pa bangud sa gina alegar nga pagbulig kay Senador Ronald “Bato” dela Rosa nga makapaeagyo.
Sa sangka statement adlaw it Miyerkules, Mayo 27, ginpahayag it CIDG nga iga-refer nanda sa National Prosecution Service it Department of Justice (DOJ) ro reklamo para sa ginasugid nga pageabag sa Presidential Decree No. 1829 ukon ro obstruction of justice.
Suno sa ahensiya, ro pagpasakay ni Padilla kay dela Rosa sa anang saeakyan hay bukon eamang it simpleng “hitch ride” kundi sangka “highly coordinated, pre-planned logistical maneuver” para sigon nga indi ma-detect samtang nagapaeagyo paguwa it premises it Senado ko aga-aga it Mayo 14.
Nagguwa man sigon sa imbestigasyon nga may una nga sambilog pang saeakyan nga naga-convoy ukon nagasunod sa saeakyan ni Padilla, nga nagsirbi sigon bilang security escort ag backup car sa nasambit nga maneuver.
Ginpaathag man it CIDG nga ro pagpasaka kara it reklamo hay sandig sa mandatong imbestigahan ro mga krimen ag ipatuman ro laye it patas ag owa it gina-apinan.
Gin-insister it it CIDG, kon aktibong nagpasilabot ro mga indibidwal sa pag-aresto ukon nagbulig sa pagpaeagyo it criminal offenders para malikawan ro pag-bista, nakakasamad sigon raya sa justice system ag nakompormiso ro public order.
Ginpamilit pa kara nga ro anumang obstruction of justice hay may kaibahan nga criminal prosecution.
Samtang, nauna eon nga ginpamalibaran ni Padilla nga nagpaeagyo si dela Rosa bangud nga naghinyu eamang sigon ro anang kaibahan nga senador nga makisakay paguwa it Senado matapos matabu ro shooting incident ko gabi-i it Mayo 13.
