Nagpanindugan ro PNP-CIDG nga legal ag lehitimo ro ginpatigayon nga search operations kontra kay Senador Ronald “Bato” dela Rosa, kasunod it mga kutana sa bisa it nasmabit nga operasyon.
Suno kay CIDG Director Robert Alexander Morico II, may bitbit sandang nagakaigong warrant of arrest nga posible nandang ipakita kun kinahangean, ag ginkumpirma man nana nga ro nasambit nga mandu hay halin sa International Criminal Court.
Ginhambae it CIDG nga nakipag-bueuligan ro mga lokal nga opisyal ag tag-iya it mga ginsuoed nga lugar sa magkaka-konektang operasyon sa Parañaque, Bulacan, ag Pampanga.
Umani it kontrobersiya ro operasyon matapos ro pahayag ni Nancy dela Rosa, asawa it senador, nga naga-kwestyon sa pagsueod it mga awtoridad sa mga pribadong baeay ag sa pahayag nga indi eon kinahangean ro warrant.
Sa makaron, uwa pa gina-kumpirma it CIDG kun nakt-an ro senador samtang nagapadayon ro operasyon ag imbestigasyon.
