KALIBO, Aklan—Haeos 95 porsiyento eon nga haum ro mga playing venues sa Aklan para sa nakataeana nga Western Visayas Regional Athletic Association ukon WVRAA Meet sa maabot nga Marso 21 hasta 28.
Suno kay Engr. Bobby Dela Cruz, engineer 4, chief construction division it provincial engineering office nga ginpaidaeum nanda sa repair ro Aklan sports complex sa Brgy. Calangcang, Makato ag iba pang sports facilities.
Pagatinguhaan sigon nanda nga matapos ro andang construction works sa sueod it makaron nga domingo.
Ginpahayag nga sambilog sa positibong epekto it pagpa-isoe sa dag-unan nga sporting event hay nataw-an it daean ro pag-construct sa dugang nga mga bleachers sa waea ag tubo nga parte it sports complex, re-painting, pag-improve it tennis court, pagbutang it bag-ong “rubber mat” ag “lane marking” sa track oval ag dugang nga mga comfort rooms.
Mag-eowas kara, gin ayos man ro iba pang playing venues sa Ibajay.
Puro bag-o man sigon ro mga sports equipments suno mat-a sa Department of Education ukon DepEd-Aklan.
