Nasayuran baea ninyo nga ro paboritong seaweed it mga Ilokano hay pwedeng makabulig sa pagsukoe sa cancer.
Suno sa Department of Science and Technology (DOST), napamatud-an nga manami sa ikamayad nga eawas ro pagkaon it pokpoklo ukon eaba-eaba base sa ginpatigayon nga pagtuon it mga researchers sa University of Santo Tomas.
Nagatuhaw sa pagtuon nga ginasuk-ean it pokpoklo ro enzymes nga nagapakalhit it cancer sa eawas.
Mag-eowas kara, bugana man raya sa carbohydrates ukon starch ag cellulose nga nakakabulig sa eawas agud nga magbaskog ag masuportahan ro cells ag tissues.
Nakakabulig man raya sa sakit sa panit, goiter, ag epektibo sa anti-aging.
Ro pokpoklo hay kaeabanan nga gina obrang salad kaibahan ro maabu nga kamatis.
Ginasugid nga sikat man raya nga sumsuman it mga taga-Ilocos, Aklan, Iloilo ag Cagayan.
