KALIBO, Aklan—Ginpaathag it Population Commission ukon POPCOM ro importansya it family planning sa mag-asawa.
Suno kay POPCOM Aklan head Paul Adrian Pelayo, kinahang-ean nga makaangkon it plano ro mag-asawa antes pa man magbahoe ro gintukod nga pamilya.
Uwa sigon nagabawae ro gobyerno nga makaangkon it mga onga ro mag-asawa apang ginapadumdom ro mga raya nga kinahang-ean planuhan ro pagbahoe it andang pamilya.
Importante suno kay Pelayo nga ro mag-asawa hay mentally, emotionally, physically ag maging financially ready agud nga mataw-an it maayos nga bwas damlag ro mga onga.
Sa tyempo sigon it krisis hay dikaron mabatyagan it mag-asawa ro eubus nga pagkinahang-ean it suporta sa kada isaea kon sa siin sa anumang hangkat it pagpangabuhi hay kinahang-ean gihapon nga itaguyod ro edukasyon ag ikaayong eawas it mga onga.
