KALIBO, Aklan— Ginpasiguro ni Pangueong Rodrigo Duterte nga uwa it matabong gambling sa isla it Boracay.
Sa anang diskurso sa inagurasiyon it Cavite Gateway Terminal sa banwa it Tanza ko nagtaliwan nga adlaw, ginpahayag it Pangueo nga hugot nga ginapamaeabagan it mga pumueoyo ro pag-angkon it pagkakaroon it pasugaean sa nasambitang Isla nga sambilog sa mga kabangdanan it pagkawatak-watak it pamilya.
Ginpasiguro man kara it uman nga pagalimpyuhan ro sikat nga Isla kontra sa illegal nga droga nga naging kabangdanan it krimen kaparehas eon lang sa paghold-up sa mga foreign tourist, kidnapping ag maabong iba pa.
Samtang, uman kara nga ginpadumdom ro mga Aeta nga inde pag-ibaligya ro andang eogta nga ginta-o it gobyerno sa sueod it napueong dag-on sa baylo, paumwaron raya para sa bwas damlag it andang mga onga.
