Nagapanawagan ro Department of Foreign Affairs (DFA) sa Chinese Ambassador nga si Jing Quan nga maging madahan sa anang mga pampublikong pahayag matapos kara nga hambaeon nga maeumo nga magdaog ro China kun magagamit raya it puwersa kontra sa Pilipinas.
Suno sa DFA, pwedeng kabigon ro nasambit nga pahayag bilang sangka bukon it direktang paeag it paggamit it puwersa, nga indi makabulig sa tunga it masalimuot nga relasyon it Pilipinas ag China.
Gin-engganyo kara ro mga diplomat nga maging madahan sa paghambae agud nga malikawan nga mas pa nga masamad ro kumpiyansa sa tunga it daywang nasyon.
Sa sangka interview ko Oktubre 15, ginpahayag ni Jing nga kun magagamit it puwersa ro China, madali raya nga magdaog, apang gin-insister nana nga mas ginapili it andang nasyon ro kalinong.
Sa makaron, ro kumpirmadong tikang it DFA hay ro panawagan kara sa ambassador nga magpakita it mas nagakabagay nga mga pampublikong pahayag.
Nasayuran nga owa nagustuhan ni Pres. Bongbong Marcos ro tono it Chinese Ambassador kat hambaeon kara nga “easy win” sa China kun magagamit sanda it pwersa.
Suno sa Pangueo, medyu threat ukon paeag ro naging pahayag it Ambassador ag bukon raya it diplomatic statement.
