Nagtaas eon sa masobra sa $100 kada bariles ro presyo it langis, pinakamataas sa haeos ap-at nga dag-on bangud sa naga-grabeng bakbakan sa Middle East.
Nagsaka sa masobra 15% ro West Texas Intermediate (WTI) ag Brent sa pagbukas it merkado.
Nagpundo ro maritime traffic sa Strait of Hormuz, nga gina-agyan it 20% it global crude ag gas. Nagnaba man ro output it mga producer sa Gulf, samtang gina-target it Israel ro fuel depots sa Tehran, nga nagtuga it kahadlok sa posibleng atake sa imprastruktura it mga kaiping nga nasyon.
Bangud kara, nagtaas ro presyo sa pump sa US, sangka sensitibong isyu bago ro midterm elections.
Ginpahayag ni US President Donald Trump, “Short term oil prices, which will drop rapidly when the destruction of the Iran nuclear threat is over, is a very small price to pay for U.S.A., and World, Safety and Peace. ONLY FOOLS WOULD THINK DIFFERENTLY!”
Suno sa US energy chief Chris Wright, “Worst case, that’s a few weeks. That’s not months. They shouldn’t go much higher than they are here because the world is very well supplied with oil. There’s no energy shortage in all of the Western hemisphere.” Kadungan kara, ginpahayag nana nga pagabuligan it US military ro mga tanker para makatabok sa Strait of Hormuz.
Ro Iran hay responsable sa kapin sa 4% it produksyon it langis sa kalibutan. Nagaplano ro US nga pasugtan ro India ag iba pang nasyon nga magbakae it Russian oil para mabawasan ro epekto sa presyo.
