Sa masunod nga buean it mayo hay magapataas it presyo it andang mga baligya ro napueo nga kumpanya.
Raya ro ginpahayag ni Stephen Cua, Presidente it Philippine Amalgamated Supermarkets Association sa abiso kana it mga supermarket owners.
Suno kana nga pila sa mga produktong magataas ro presyo hay ro baligyang sabon, shampoo, kape, instant noodles, de-lata ag gatas.
Bangud kara, ginsuhestiyon ni Cua sa publiko nga magpili eon lang it pilang brand it produkto nga mas barato ro kantidad.
Nauna eon nga nagpromisa ro Department of Trade and Industry (DTI) nga owa anay sanda it paga aprubahan nga dugang nga presyo sa mga produktong may suggested retail price (SRP) .
Aminado man sanda nga bukon it tanan nga brand it sangka produkto hay sakop it SRP.
