KALIBO, Aklan—All set and ready eon ro probinsiya it Aklan sa pagbaton sa mga atletang estudyante halin sa 6 nga mga probinsiya para sa pagahiwaton nga Western Visayas Regional Athletic Association (WVRAA) Meet 2020, nga pormal nga pagabuksan sa Marso 21 sa Aklan sports complex sa Brgy. Calangcang, Makato.
Suno kay Rebecca Ibarreta, athletic manager in sports ag education program supervisor it MAPEH it Department of Education ukon DepEd-Aklan nga ro sang domingo nga tournament, nga may tema makaron nga dag-on nga “region 6 sustaining school sports supremacy” hay paga-umpisahan it parada it mga atleta.
Ro mga atleta nga maga-excell sa WVRAA makaron nga dag-on hay igasabak sa palarong pambansa sa idaeum it bandera it region 6.
41 nga events ro pagahampangon, kun sa siin 15 sa elementary, 22 sa secondary ag 4 ro paragames ukon mga altetang may special needs.
Samtang, gindugang pa ni Ibarreta nga ro positibong epekto it pagpa-isoe sa pahampang hay nataw-an it daean ro pag-construct sa dugang nga mga bleachers sa waea ag tubo, pag- improve sa tennis court, pagbutang it bag-ong rubberized nga track oval ag dugang nga mga comfort rooms.
Mag-eowas kara, puro bag-o man ro mga equipments ag gin ayos ro iba pang playing venues.
Raya hay bilang preparasyon man sa posibleng pag-bid it aklan sa palarong pambansa kun sa siin sa Western Visayas ro venue sa 2021.
Madumduman nga ginpaisoe ro dag-unan nga sporting event bangud sa paeag it coronavirus disease ukon COVID-19.
Samtang, magabutang sigon sanda it mga tarpaulins sa mga playing venues nga magapadumdum sa tanan sa mga dapat nga obrahon agud nga makalikaw sa COVID-19.
