Kalibo Aklan ——Umpisa makarun nga adlaw, Hunyo 1, una eun sa idaeom it Modified General Community Quarantine (MGCQ) ro bilog nga probinsya it Aklan.
Raya hay kasunod it anunsyo it National Inter-Agency Task Force (IATF) nga igapaidaeom eun lang sa General Community Quarantine (GCQ) ro haeos tanan nga lugar sa bilog nga nasyon.
Nagakahueogan nga may paghaeuga eon sa pilang polisiya nga nauna eon nga ginpatuman it gobyerno para mapunggan ro pagkalhit pa it ginakabaeak-an nga Coronavirus Disease (COVID-19) pandemic.
Gina-eauman man nga maabo eon nga negosyo ag establisyemento ro uman nga maga-balik ro operasyon kamana man ro mga pampublikong transportasyon.
Apang, sa pihak kara hay padayun gihapon nga ginamanduan ro mga pumueoyo nga nga ipabilin ro masami nga paghugas it alima, pangpanglimpyo sa kaeawasan, pagsuksok it facemask ag pag-obserba it physical ukon social distancing sa kada isaea eabi eon kung maga-padueong sa pampublikong lugar.
