KALIBO, Aklan – – – “No big deal”.
Raya ro pagkabig it mga South Koreans sa ginpatigayong hydrogen bomb test it North Korea nga matsa probokasyon sa nasambitang nasyon.
Suno kay Shiela Marie Park, sangka Ilongga apang presenteng naga-istar sa Busan, South Korea ag sangka maestra sa elementarya idto, bukon sanda it apektado sa naging tikang it komunistang nasyon.
Raya hay bangud una sanda sa katimugang bahin it South Korea.
Dugang pa kara, ro nakabatyag it pag-uyog bangud sa hydrogen bomb test hay ro mga naga-istar sa hilagang bahin it nasyon.
Normal eon sigon nga haeos kada dag-on hay nagapatigayon it bomb test ro North Korea.
Ginpasiguro man ni Park nga “safe” ro mga Pinoy sa South Korea bangud eon man sa assurance nga ginta-o kanda nga haom ro sandatahang pwersa it nasyon nga depensahan ro andang pumueoyo ag teritoryo engkasong makaangkon it giyera sa tunga nanda it North Korea.
